Բաթ Ադամյան

Մեկ էպիզոդ հազար ու մեկից

1991 թվական, ապրիլի 20: 

Պայթել էր Բալահովիտի զինամթերքի պահեստները:

Դեռ Գետաշենի «կոլցո» տեղի չէր ունեցել:

Դեռ պիտի պուտչ տեղի ունենար:

Նույն թվականի նոյեմբերի 10-ին ԽՍՀՄ-ը պետք է դադարեր գոյություն ունենալ: 

Այս ամենը դեռ պետք է լիներ:

2013 թվական, մայիսի 8, 9-ը:

Հաղթանակի օրվա առթիվ 2 օր է, ՀՀԿ-ական պնակալեզ տականքը աղտոտելով եթերը, վայրահաչում է ՀՀՇ-ի ու նրա ղեկավարության մասին:

1991 թվական, մարտ ամիս։ Գիշեր է: Երեք հոգի («ոջլոտ» ՀՀՇ-ականներ, ինչպես կարտահայտվեր ՀՀԿ-ական տականքը հիմա) ծեծում են ինչ որ բնակարանի դուռ, դուրս

են հրավիրում տանտիրոջը, երկար վիճում են ինչ որ հարցի շուրջ:

Տանտերը պահեստների ԽՍՀՄ զինվորական մասի ռուս սպա էր:

...Նոր ստեղծվող Հայոց բանակը զինվում էր:

Զինամթերքի պահեստներում բավականին պակասորդ էր առաջացել:

2013 թվական, մայիսի 9-ը։

Հաղթանակի օրն է, կեղծում են պատմությունը, երկիրը, ամեն ինչ:

Բայց կարևորն այն է, որ մենք կարողացանք հաղթել և մարտի դաշտում և թիկունքում:

Եվ դա, ըստ երևույթին, մեզ չեն ներելու: