Գլխավոր էջ » 2013 » Փետրվար » 9 » Ընտրություններն արդեն կարելի է համարել ձախողված
19:16
Ընտրություններն արդեն կարելի է համարել ձախողված
Լևոն Զուրաբյանն ու Վլադիմիր Կարապետյանը 
հանդիպել են դեսպան Տալիավինիին


  


Հայ ազգային կոնգրեսի խորհրդարանական խմբակցության ղեկավար Լևոն Զուրաբյանը 
և կենտրոնական գրասենյակի ներկայացուցիչ Վլադիմիր Կարապետյանը երեկ հանդիպել են ԵԱՀԿ/ԺՀՄԻԳ դիտորդական պատվիրակության հետ՝ Հեյդի Տալիավինիի գլխավորությամբ:

Այդ մասին տեղեկացնում են Կոնգրեսի մամլո ծառայությունից:

Հանդիպման ընթացքում Լևոն Զուրաբյանը նշել է, որ ընտրությունները արդեն  կարելի է համարել ձախողված, քանի որ ընտրական ցուցակների անճշտությունների և դրա հետ կապված պետականորեն կազմակերպված լայնածավալ  ընտրակեղծարարության խնդիրները չեն լուծվել, հակառակ ԵԽԽՎ և ԵԱՀԿ  վերջնական զեկույցներում արտացոլված պահանջների, որ այդ խնդիրները պետք է լուծվեին մինչև նախագահական ընտրությունները:

Ընտրակաշառքի բաժանման և ընտրողների ահաբեկման, ադմինիստրատիվ ռեսուրսների օգտագործման, բազմակի քվեարկության, ընդդիմության քաղաքական գործողությունները ֆինանսավորող գործարարների նկատմամբ ծավալված հետապնդումները ստեղծել են իրավիճակ, որում վերջին խորհրդարանական ընտրություններին անգամ պաշտոնական կեղծված տվյալներով 650 հազար ձայն հավաքած երեք հիմնական քաղաքական ուժերը հրաժարվել են մասնակցել նախագահական ընտրություններին, ինչով, ըստ էության խաթարվել է ընտրությունների մրցակցային բնույթը: Անգամ այս վիճակում շարունակվում են լայնածավալ ապօրինությունները, որոնց մասին ևս տեղեկություններ հայտնվեցին դիտորդական առաքելությանը:

Պայմանավորվածություն է ձեռք բերվել նաև հետագա հանդիպումների վերաբերյալ:

Կատեգորիա: Լուրեր | Դիտումներ: 1003 | Ավելացրեց: armenlur | Տեգեր: քաղաքական գործիչներ | - Վարկանիշ -: 5.0/2