Ծնվել է 1958 թվականին, Ապարանի շրջանի Քասախ գյուղում, մանկավարժների ընտանիքում:
1975-1980թթ. սովորել է Հայկական Գյուղատնտեսական ինստիտուտի գյուղատնտեսության
մեքենայացման բաժնում: Մասնագիտությամբ ինժեներ-մեխանիկ է:
Ուսումը ավարտելուն պես աշխատել է Քասախ գյուղում, որպես պետական տնտեսության
գլխավոր ինժեներ:
1981-ին հրավիրվել է աշխատելու Մոսկվա` «Ռեմդետալ» Համամիութենական
գիտաարտադրական միավորման մաշված մեքենամասերի վերականգնման լաբորատորիայում,
որպես առաջատար ինժեներ:
1984-ին ընդունվել է «Հայգյուղմեքենայացում» գիտաարտադրական միավորման
ասպիրանտուրա, որտեղ ուսուցանելու տարիներին կատարած գյուտերից չորսի համար ստացել է
հեղինակային իրավունքի վկայական և հրապարակել է շուրջ մեկ տասնյակ գիտական հոդվածներ:
Գիտական աշխատանքի թեմատիկան վերաբերվել է քարքարոտ լեռնալանջերի վարի գութանի
նախագծմանը, ինչը բավականին ակտուալ խնդիր է Հայաստանի հողերի համար:
1988-ին միացել է համաժողովրդական շարժմանը, որի արդյունքում ստեղծվել են Հայոց
համազգային շարժման առաջին խմբերն ու կազմակերպությունները: Լ. Խաչատրյանը իր
համախոհների հետ հիմնադրել է Քասախի և ապա Նաիրիի շրջանային
կազմակերպությունները`երկար ժամանակ գլխավորելով դրանք:
1989-ից (ՀՀՇ առաջին համագումար) ՀՀՇ անդամ է, ՀՀՇ բոլոր համագումարների պատվիրակ:
Լ.Խաչատրյանը առաջիններից էր, ով հիմնել է Քասախի ու Նաիրիի շրջանի կամավորական ջոկատները, որոնց հետ մասնակցել է Ոսկեպարի,Երասխավանի և այլ մարտերին:
1991-94թթ գլխավորել է «Հայագրոսպասարկում» Հանրապետական արտադրական
միավորումը, որը զբաղվում էր գյուղատնտեսության համար անհրաժեշտ վառելիքի,
սարքավորումների մատակարարմամբ և այլն:
1994-ին նշանակվել է ՀՀ Առևտրի նախարարի պաշտոնում, որը վարել է մինչև ոլորտի
սեփականաշնորհման արդյուքում նախարարության լուծարումը։
1995-ի հոկտեմբերից ստեղծել և գլխավորել է «Հայհացահատիկ գործակալություն»
ձեռնարկությունը, որը զբաղվել է հացահատիկի ներկրմամբ։
1995-99թթ. ընտրվել է ՀՀ Ազգային ժողովի պատգամավոր, եղել է արտաքին հարաբերությունների
հանձնաժողովի անդամ։
2006-ից մինչ օրս գլխավորում է «Ապար» ԲԲԸ-ն։
2013 թ. ապրիլի 13-ին ընտրվել է Հայ Ազգային Կոնգրես կուսակցության վարչության անդամ։
Ամուսնացած է, ունի 3 զավակ և 4 թոռնիկ: