600 գրամ ալյուր, 200 գրամ հալած յուղ 1 թեյի բաժակ շաքարավազ, 200 գրամ թթվասեր 4 ձու, 1 թեյի գդալ սոդա (ոչ շատ լիքը), մի պտղունց աղ
Ալյուրը լցնել էմալապատ թասի մեջ, մեջտեղում փոս անել, մեջը լցնել յուղը, թթվասերը, շաքարավազի հետ լավ հարած ձուն (գոգլի), աղ, քիչ ջրում լուծած սոդան: Հունցել պինդ խմոր (եթե այն թույլ ստացվի, ալյուր ավելացնել, դա կախված է ձվի մեծությունից): Պատրաստի խմորը 20-30 րոպե թողնել սեղանին, երեսը սրբիչով ծածկել: Այնուհետև խմորը բարակ բացել, նեղ շերտերով կտրել և 3-ական շերտ վերցնել ու հյուսել: Վերջացնելուց հետո թիթեղին յուղ քսել, տեղադրել խմորը և թխել մեղմ կրակով: Թխվելուց հետո վրան շաքարի փոշի ցանել: Խմորը հյուսելուց հետո թխվածքի կտորների մեծությունը որոշել ցանկությամբ:
Կարելի է նաև փոքր կտորներով կտրտել՝ 5-7 սմ երկարությամբ:
|