***
Օդանավերը սավառնում և վայրէջք չեն կատարում:
Վայրէջք են կատարում ինքնաթիռները:
Օդանավերը ինքնաթիռներ չեն:
Օդանավերը` օդանավեր են,
այնպես, ինչպես ինքնաթիռները՝ ինքնաթիռներ:
Ինքնաթիռները եթե սավառնում են,
ինքնաթիռներ չեն:
Օդանավեր են:
Ինքնաթիռները այնքան ժամանակ են ինքնաթիռ,
քանի դեռ չեն պոկվել թռիչքուղուց
ու չեն հասել երկինք:
Մինչև երկինք հասնելը մի սահման կա:
Սահմաններն անցնելու համար են:
Ինքնաթիռներն անցնում են սահմանը
և դառնում օդանավեր,
ինչպես աղջիկները՝ կին:
Օդանավերը սավառնում և վայրէջք չեն կատարում:
