29 մարտ 2013 թվական, ուրբաթ

Ըստ հայկական տոմարի՝ 4506 թվական, ամիսը՝ ԱՐԵԳ, օրը՝ Վարագ, ուրբաթը՝ Արուսյակի օր։

---

Տարվա 88-րդ օրը, 

13-րդ շաբաթ,  

Տարեվերջին մնում է 277 օր

9-րդ Արևային օր, 

արևածագ՝ 5։18, արևամուտ՝ 18։02, 

օրվա տևողությունը՝ 12 ժամ 43 րոպե։ 

19-րդ լուսնային օր` 20։56-05։57, 

Լուսինը՝ Կարիճում է՝ 2։52, 

III քառորդ 27 մարտ - 2 ապրիլ։

---

Հայ Առաքելական եկեղեցու տոներ

• Ավագ ուրբաթ

Ավագ ուրբաթը Հիսուս Քրիստոսի չարչարանաց, խաչելության, մահվան ու թաղման հիշատակության օրն է: Այդ օրը տեղի է ունենում Խաչելության կարգ: Երեկոյան ժամերգությունից հետո նախատոնակի արարողության ընթացքում կատարվում է Թաղման կարգ, երբ Հիսուս Քրիստոսի խորհրդանշական գերեզմանը՝ պատրաստված ծաղիկներից եւ ծառի ճյուղերից պտտում են եկեղեցու շուրջ՝ ի տես հավատավոր ժողովրդի: 

Տոներ, հիշարժան օրեր

• Հերոսների հիշատակի օրը (Մադագասկար)
• Երիտասարդության օրը (Թայվան)
• Վիետնամական պատերազմի վետերանների օրը (ԱՄՆ)

Պատմության այս օրը

  554 - Դվինում գումարված եկեղեցական ժողովը դատապարտում է քաղկեդոնական դավանանքը և վերջնականապես խզում իր կապերը բյուզանդական «տիեզերական» եկեղեցու հետ:
1001 - Տրդատ ճարտարապետն ավարտեց Անիի մայր տաճարի կառուցումը:
1827 - Թիֆլիսում կազմվում է հայկական առաջին կամավորական գումարտակը:
1914 - Թիֆլիսում հիմնվեց հայոց պատմական և հնագիտական ընկերությունը:
1921 - Թիֆլիսում ստեղծվեց հայ արվեստի առաջին տունը: Հայար տունը կրում էր  բանաստեղծ Վահան Տերյանի անունը: Նրա նախագահն էր մյուս հայ մեծ բանաստեղծը՝  Հովհաննես Թումանյանը:
1936 - Գերմանիայում տեղի են ունենում խորհրդարանական ընտրություններ. ձայների 99% տրվում է նացիստական կուսակցությանը:
1973 - Ամերիկյան զորքերը վերջնականապես դուրս են բերվում Վիետնամից:
1974 - Ամերիկյան «Մարիներ-10» տիեզերանավը Մերկուրի մոլորակի լուսանկարներ կատարեց։
1992 - Շուշիից և Ղամբալու,  Ջանհասան, Քյոսալար գյուղերից Ստեփանակերտի վրա հարձակման անցած ադրբեջանական ուժերը կատաղի մարտերում ջախջախվեցին և հետ շպրտվեցին ելման կետերը: