24 փետրվար 2013 թվական, կիրակի Ըստ հայկական տոմարի՝ 4506 թվական, ամիսը՝ ՄԵՀԵԿԱՆ, օրը՝ ԼՈՒՍՆԱԿ, կիրակին՝ Արեգակի օր։
Տարվա 55-րդ օրը, 8-րդ շաբաթ, Տարեվերջին մնում է 310 օր
11-ին արևային օր Արևածագ՝ 6։28, արևամուտ՝ 17։08, Օրվա տևողությունը՝ 10 ժամ 40 րոպե
15-րդ լուսնային օր`15։56-05։18, II քառորդ՝ քառորդ՝ 17-24 փետրվար, Լուսինը՝ Առյուծում է
Հայ Առաքելական եկեղեցու տոներ Հայաստանյաց Առաքելական Սուրբ Եկեղեցին ապաշխարության և պահքի մի գեղեցիկ շրջան է սահմանել հավատացյալների համար, որի կիրակիներից յուրաքանչյուրն իր անվանումն ունի Աստվածաշնչի որևէ պատմությանը համապատասխան: Մեծ Պահքի երրորդ կիրակին կոչվում է Անառակի, ըստ Ղուկասի Ավետարանում հիշատակվող անառակ որդու մասին պատմող առակի` (տես Ղուկ. 15:11-32) մի մարդ իր կրտսեր որդու խնդրանքով ունեցվածքը բաժանում է երկու որդիների միջեւ: Կրտսեր որդին իր բաժինը վերցնելով գնում է հեռու երկիր, ապրում ցոփ ու շվայտ կյանքով, վատնում ամբողջ ունեցածը:
Այս դժվար դրության մեջ նա հիշում է հայրական տունը, զղջում կատարածի համար և վերադառնում: Հայրը, տեսնելով որդու զղջումը, ուրախությամբ ընդունում է նրան: Ավագ որդին դժգոհում է, որ ինքը միշտ հոր կողքին է եղել, սակայն նման պատվի երբեք չի արժանացել: Հայրը պատասխանում է, որ պետք է ուրախ լինել, քանի որ` ով մեռած էր, կենդանացավ: Ավագ, կրտսեր որդիներն արդար և մեղավոր հոգիներն են, և ինչպես հայրն է անառակ որդուն ընդունում, նույն կերպ էլ Աստված է իր գիրկն առնում զղջացող մեղավորին: Առակը նաեւ հետեւյալ խրատն ունի, որ բացահայտվում է ավագ որդու կերպարում: Ովքեր կարծում են, թե արդար են, պետք է խուսափեն սեփական անձի մասին չափազանց բարձր կարծիք ունենալուց:
Տոներ, հիշարժան օրեր
- Էստոնիայի ազգային օրը
- Մեքսիկայի անկախության հռչակման օրը
- Ուսմունքների պահապանների օրը (բուդդայական)
1955 - Ալեն Մարի Պասկալ Պրոստ, ֆրանս. ավտոարշավորդ՝ հայկական արմատներով 1955 - Սթիվ Ջոբս, ամեր. ինժեներ և ձեռնարկատեր, Apple ընկերության հիմնադիրը
1938 - Արա Վահունի, կինոռեժիսոր
1932 - Միշել Լեգրան, ֆրանսահայ երգահան
1898 - Սարգիս Սաֆարյան, նկարիչ
1873 - Էնրիկո Կարուզո, իտալ. երգիչ, տենոր 1786 - Վիլհելմ Գրիմմ - գերմ, բանասեր, Յակոբ Գրիմմի եղբայրը
1770 - Ներսես Ե Աշտարակեցի, հայոց կաթողիկոս 1515 - Յոհան Վեյներ, հոլլանդ, բժիշկ և օկուլտիստ Պատմության այս օրը
1446 - Բրյուգեում (Բելգիա) տեղի ունեցավ առաջին վիճակախաղը, որը կազմակերպել էր ֆլամանդացի գեղանկարիչ Յան վան Էյկի այրին։ 1607 - Իտալիայի Մնտուա քաղաքի դուքս Վինչենցո Գոնզագայի արքունիքում կայացավ Կլաուդիո Մոնտեվերդիի «Օրփեոս» օպերաի առաջին ներկայացումը: 1920 - Մյունխենյան «Հոֆբրոյհաուս» գարեջրատանը տեղի ունեցավ Գերմանական սոցիալ-ազգայնական աշխատավորական կուսակցության 25 կետանոց ծրագրի շնորհանդեսը, որ առաջնորդը 1921 թ, հուլիսի 29-ից դարձավ Ադոլֆ Հիտլերը։ 1942 - «Ամերիկայի ձայն» ռադիոկայանի առաջին եթերը։
1988 - Բորիս Կևորկովին հանում են Լեռնային Ղարաբաղի կուսակցական առաջնորդի պաշտոնից։ 1991 - Պարսկական ծոցի պատերազմը, միջազգային զորքերը սկսեցին ցամաքային հարձակումը Իրաքու և Քուվեյթում։
1992 - ԼՂՀ Գերագույն խորհրդի նախագահությունը որոշում ընդունեց ԼՂՀ ինքնապաշտպանության ուժերի ստեղծման մասին:
Մահեր
1588 - Յոհան Վեյներ, հոլլանդ, բժիշկ և օկուլտիստ (ծն. 1515) 1931 - Երվանդ Լալայան, ազգագրագետ (ծն. 1864)
1975 - Վախճանվեց տաղանդավոր նկարիչ Մինաս Ավետիսյանը: Նա սպանվեց խորհրդային ոստիկանության կողմից: (ծն. 1928) 1990 - Մալքհոլմ Ֆորբս, ամեր. լրագրային մագնատ, կոլեկցիոներ (ծն. 1919) 2001 - Կլոդ Էլվուդ Շենըն, ամեր, մաթեմատիկոս և ճարտարագետ, ինֆորմացիայի տեսության հիմնադիրներից (ծն. 1916) |
