ԴԴՄԻԿՈՎ, ՁՎՈՎ ՆԱԽՈՒՏԵՍՏ (ֆունգատո)
0,5 կգ հասած լոլիկը կեղևից մաքրել, մանր կտրատել: 0,5 կգ դդմիկի կեղևը հեռացնել, կտրտել օղակաձև: Միջին չափի 2 գլուխ սոխը նույնպես կտրտել և դդմիկի հետ բուսական յուղով տապակել, ավելացնել լոլիկը, աղ ու պղպեղ: Շոգեխաշել մինչև ջրային մասի ներծծվելը, որից հետո ավելացնել լավ հարած 5 ձու և թույլ կրակով եփել: Մատուցել և՛ տաք, և՛ սառը վիճակում:
ԴԴՄԻԿ ՏԱՊԱԿԱԾ 1 կգ դդմիկը մաքրել, մանրացնել օղակաձև կամ երկայնակի և ձեթով տապակել, ավելացնել սամիթ: Ոչ շատ խոր կաթսայի մեջ լցնել մի շերտ տապակած դդմիկ, մի շերտ՝ սոխ, մինչև վերջանալը: 3-4 ձու լավ հարել, լցնել զանգվածի վրա, կաթսան փակել կափարիչով և 10 րոպե դնել ջեռոցում: Կրակը պետք է թույլ լինի: Մատուցել տաք վիճակում, լայն սկուտեղով՝ կողքերը զարդարելով լոլիկով ու վարունգով:
|