ԿԱՐԿԱՆԴԱԿ ՊԱՆՐՈՎ
«Լոռի» պանիրը պատառաքաղով տրորել, ավելացնել 1 ձու, պղպեղ (ցանկության դեպքում՝ սև և կարմիր):
Նախապես պատրաստած շերտավոր խմորը գրտնակով բացել 5-7 մմ հաստությամբ և 6-7 սմ լայնությամբ, կտրտել ուղղանկյունաձև, վրան յուղ քսել, պանրով միջուկից լցնել վրան և փաթաթել ուղղանկյան կամ եռանկյան տեսքով: Թիթեղի վրա յուղ քսել, կարկանդակները տեղադրել 2-3 սմ հեռավորությամբ և 15-20 րոպե մեղմ կրակով թխել ջեռոցում մինչև վարդագույն դառնալը:
Տեսքն ավելի գեղեցիկ դարձնելու համար կարելի է թխելուց առաջ կարկանդակների երեսին ձու քսել: |