Պեչենիներ - Քաղցրավենիք - Պրակտիկ խոհանոց - Տեղեկատվություն - Օրը կգա, բարին՝ հետը
Գլխավոր էջ » Հոդվածներ » Պրակտիկ խոհանոց » Քաղցրավենիք

Պեչենիներ
Հազիվ թե գտնվի մի տնտեսուհի, որ չցանականա արագ և որակյալ թխվածք պատրաստել: Բացի այդ, տվյալ պահին ունեցած մթերքով կարելի է որևէ թխվածք պատրաստել, այդ իսկ պատճառով առաջարկում ենք արագ պատրաստվող պեչենիների մի քանի բաղադրատոմսեր:

1. 2 ձուն մեկ թեյի բաժակ շաքարավազի հետ դարձնել գոգլի, ավելացնել 200 գր կարագ, 0,5 թեյի գդալ սոդա, 2 ճաշի գդալ կարտոֆիլի օսլա և այնքան ալյուր, որ ստացվի խորիզի պես փշրվող խմոր: Գլանի ձև տալ, մի քիչ ձգել, բայց այնպես, որ չպոկվի, կտրտել փոքր կտորներով և միջին կրակով թխել ջեռոցում: 

Թխվելուց հետո վրան ցանել շաքարի փոշի:


2. 2 ձուն 1 թեյի բաժակ շաքարավազի հետ դարձնել գոգլի, ավելացնել 100 գր կարագ, 200 գր կաթնաշոռ, 1 բանկա թթվասեր՝ 1 թեյի գդալ սոդա խառնած, 1 ճաշի գդալ քացախ, 3 թեյի բաժակ ալյուր, հունցել, գրտնակով բացել, ձևիչներով կտրտել, և մեղմ կրակով թխել ջեռոցում: 

Ցանկության դեպքում կարելի է ավելացնել շաքարի փոշի:


3. 4 ձուն 1 թեյի բաժակ շաքարավազով դարձնել գոգլի, ավելացնել 1 թեյի բաժակ յուղ կամ կարագ, 1 ճաշի գդալ քացախ, 1 հատ վանիլին, 1 թեյի բաժակ կարտոֆիլի օսլա, 1 թեյի բաժակ ալյուր և հունցել: Պեչենու համար նախատեսված փոքրիկ ամանները նախապես տաքացնել, ներսից յուղ քսել և յուրաքանչյուրի մեջ լցնել 1 թեյի գդալ խմոր և թխել ջեռոցում:


4. 3 ձուն 1 թեյի բաժակ շաքարավազի հետ հարել՝ դարձնելով գոգլի, ավելացնել 100 գր կարագ, 1 թեյի գդալ սոդա խառնած 200 գր թթվասեր, 1 հատ վանիլին կամ աղացած կիտրոնի կեղև: Ամբողջ զանգվածը լավ խառնել, ավելացնել այնքան ալյուր, որ ստացվի պինդ խմոր: Գրտնակով բացել 2 սմ հաստությամբ, ձևավոր կտրտել, երեսին ձու քսել և թխել ջեռոցում: 

Ձվի փոխարեն թխվելուց հետո տաք վիճակում կարելի է վրան ցանել շաքարի փոշի:


5. 4 ձուն 2 թեյի բաժակ շաքարավազի հետ դարձնել գոգլի, ավելացնել 250 գր փափկած կարագ, 1 թեյի բաժակ մածուն՝ խառնելով 1 թեյի գդալ սոդա, 1 ճաշի գդալ քացախ, 4-5 թեյի բաժակ ալյուր, հունցել չկպչող փափուկ խմոր, գրտնակով բացել մի մատի հաստությամբ, ձևավոր կտրտել և մեղմ կրակով թխել ջեռոցում: 

Թխվելուց հետո երեսին ցանել շաքարի փոշի:


6. 7 ձուն 4,5 (1 կգ) թեյի բաժակ շաքարավազի հետ դարձնել գոգլի, ավելացնել 300գր կարագ, 1 շիշ մածուն՝ 1 թեյի գդալ սոդա խառնած, 1 հատ վանիլին, այնքան ալյուր, որ ստացվի չկպչող խմոր: Գրտնակով բացել. ձևավոր կտրտել, թաթախել շաքարավազի մեջ և հակառակ կողմով դնել նախապես յուղ քսած թիթեղի վրա (սաջ) և թխել ջեռոցում:


7. 4 ձուն 1 թեյի բաժակ շաքարավազի հետ դարձնել գոգլի, ավելացնել 200 գր կարագ, 1 բանկա թթվասեր՝ 0,5 թեյի գդալ սոդայի խառնուրդով, 1 հատ վանիլին, 1 թեյի բաժակ օսլա (կարտոֆիլի), 2 թեյի բաժակ ալյուր: Ստացվում է չկպչող փափուկ խմոր: Բաժանել ընկույզից քիչ մեծ գնդերի, թաթախել շաքարավազի մեջ և հակառակ կողմով թխել նախապես յուղ քսած թիթեղով՝ ջեռոցում:


8. ՊԵՉԵՆԻ «ԲԱՄԲԻՇ» (Թագուհի)

1 ձուն 4 ճաշի գդալ շաքարավազի հետ լավ հարել , ավելացնել 200 գր կարագ, 0,5 թեյի գդալ սոդա, մի պտղունց աղ, վանիլին, 2 թեյի բաժակ լրիվ և քառորդ թեյի բաժակ ալյուր: Լավ հունցել, պեչենու ձև տալ և թխել միջին կրակով՝ ջեռոցում:


9. ՊԵՉԵՆԻ «ԳԻՇԵՐ ՈՒ ՑԵՐԵԿ»

2 ձուն 2/3 թեյի բաժակ շաքարավազի հետ լավ հարել ավելացնել 200 գրամ կարագ, մի պտղունց աղ, 300 գրամ ալյուր, 100 գր օսլա, մի քիչ վանիլին , հունցել, բաժանել 2 մասի՝ մեկին խառնել ոչ շատ լիքը 1 ճաշի գդալ կակաո, 1 թեյի բաժակ ծեծած ընկույզ (կարելի է նաև 0,5 թեյի բաժակ) 2 ճաշի գդալ կաթ 1/4 թեյի բաժակ շաքարավազ: Ամբողջ զանգվածը լավ հունցել և 45 րոպե դնել սառնախցիկում: Սպիտակ խմորը գրտնակով բացել 0,5 սմ հաստությամբ, կտրտել ձևավոր, յուրաքանչյուրի երեսին ձու քսել (կպցնելու համար), ծածկել նույն ձևով կտրտած շագանակագույն խմորով, երեսին ձու քսել և միջին կրակով թխել ջեռոցում:


10. ՊԵՉԵՆԻՈՎ «ԺՈԶԵՖԻՆԱ»

Վերցնել 1 կգ մանկական պեչենի (գալեթ), թաթախել կաթի մեջ և անմիջապես ջեմով երեք շերտ կպցնել միմյանց, երեսին և կողքերին նույնպես ջեմ քսել բարակ շերտով, պատել պեչենու փշրանքներով: 
Ստացվում է գեղեցիկ, համեղ և արագ պատրաստվող թխվածք:


11. ՊԵՉԵՆԻ «ԳԵՏՆԱԽՆՁՈՐ»

1 թեյի բաժակ կաթը եռացնել, ավելացնել 1 թեյի բաժակ շաքարավազ, 150 գրամ կարագ, եռացնել, լցնել 1 ճաշի գդալ կակաո (կաթով դարձնել միասեռ և միայն դրանից հետո լցնել զանգվածի վրա), ավելացնել 3 ճաշի գդալ գինի, մանր աղացած 3 թեյի բաժակ պաքսիմատ, թողնել մի քիչ եռա՝ չընդհատելով խառնելը, որպեսզի փափկի: Վերցնել կրակից, թողնել սառչի, որից հետո թեյի գդալով վերցնել, ձեռքով կլորացնել, թաթախել շաքարի և կակաոյի խառնուրդի մեջ և մատուցել:


12. ՇԱՔԱՐԱՅԻՆ ՊԵՉԵՆԻ

3 ձուն 1 թեյի բաժակ շաքարավազի հետ դարձնել գոգլի, ավելացնել լավ հարած (մինչև սպիտակելը) երեք քառորդ թեյի բաժակ յուղ, 4 ճաշի գդալ մածուն՝ 0,5 թեյի գդալ սոդայով, խառնել, ավելացնել 2 թեյի բաժակ ալյուր, 1 թեյի բաժակ կարտոֆիլի օսլա և հունցել: Խմորը բաժանել փոքր գնդերի (կարելի է տարբեր ձև տալ) թաթախել շաքարավազի մեջ և հակառակ կողմով թխել ջեռոցում՝ միջին կրակով:


13. ՉԱՄԻՉՈՎ ՊԵՉԵՆԻ

3 ձուն 2 թեյի բաժակ շաքարավազի հետ հարել, ավելացնել 100 գր կարագ, 1 թեյի բաժակ մածուն, 1 թեյի գդալ սոդա, մի բուռ լվացած չամիչ և այնքան ալյուր, որ ստացվի պինդ խմոր: Այն բաժանել ընկույզից մեծ գնդիկների, ամեն մեկի երեսին ձու քսել և թխել ջեռոցում՝ միջինից մի քիչ ուժեղ կրակով:


14. ՊԵ­ՉԵ­ՆԻ՝ ԸՆ­ԿՈՒՅ­ԶԻ ՏԵՍ­ՔՈՎ
200 գրամ կա­րագ, 1 բա­ժակ շա­քա­րա­վազ, 2 ձու,
1 բա­ժակ կա­թի սե­րուցք, 0,5 թե­յի գդալ սո­դա,
100 գրամ ըն­կույ­զի մի­ջուկ, 0,5 թե­յի գդալ դար­չին:

200 գրամ կա­րա­գը լավ հա­րել, ավե­լաց­նել 1 թե­յի բա­ժակ շա­քա­րա­վա­զը 2 ձվի հետ դարձ­րած գոգ­լին, խառ­նել, ավե­լաց­նել սո­դա խառ­նած կա­թի սե­րը և քիչ-­քիչ ավե­լաց­նե­լով ալ­յուր՝ հուն­ցել խմո­րը: Այն բա­ժա­նել 4-5 գն­դի: Յու­րա­քանչ­յուր գուն­դը ձեռ­քով կլո­րաց­նել, ձգե­լով՝ եր­կա­րաց­նել նր­բեր­շի­կի պես և բա­ժա­նել ըն­կույ­զի մե­ծու­թյան մա­սե­րի: Ամեն մի կտո­րի մեջ փոս անել, լց­նել մի­ջու­կը, փա­կել՝ տա­լով ըն­կույ­զի տեսք՝ սուր փայ­տի­կի օգ­նու­թյամբ վրան գծել: 

ՄԻ­ՋՈՒԿ. 100 գրամ ըն­կույ­զը ման­րաց­նել, խառ­նել 1/4 բա­ժակ շա­քա­րա­վազ, կես թե­յի գդալ դար­չին:

Թխել ջե­ռո­ցում: Երբ դառ­նա վար­դա­գույն, հա­նել, վրան ցա­նել շա­քա­րի փոշ­ի:


15. ՊԵ­ՉԵ­ՆԻ «ԿՈՒ­ՐԱ­ԲԵ»

500 գրամ լա­վո­րակ կա­րա­գը 1 թե­յի բա­ժակ շա­քա­րա­վա­զի հետ միք­սե­րով լավ հա­րել, ավե­լաց­նել 2 ձվի հա­րած դեղ­նուց, 250 գրամ ըն­կույզ, մի սուր­ճի բա­ժակ կոն­յակ կամ նարն­ջի հյութ, մի հատ վա­նի­լին, լավ հա­րել, աս­տի­ճա­նա­բար ավե­լաց­նել ալ­յուր և հուն­ցել ձեռ­քե­րին չկպ­չող փա­փուկ խմոր: Պատ­րաս­տի խմո­րը բա­ցել 1,5 սմ հաս­տու­թյամբ կտր­տել տար­բեր ձևերով և 20 րո­պե մեղմ կրա­կով թխել ջե­ռո­ցում: 

Թխ­վե­լուց հե­տո պե­չե­նի­նե­րի երե­սին ցա­նել շա­քա­րի փոշ­ի:



Կատեգորիա: Քաղցրավենիք | Ավելացրեց: armenlur (08.03.2013)
Դիտումներ: 14453 | Տեգեր: Պրակտիկ խոհանոց | - Վարկանիշ -: 3.4/40