Տորթ «Կիևյան» - Քաղցրավենիք - Պրակտիկ խոհանոց - Տեղեկատվություն - Օրը կգա, բարին՝ հետը
Գլխավոր էջ » Հոդվածներ » Պրակտիկ խոհանոց » Քաղցրավենիք

Տորթ «Կիևյան»

6 ձվի դեղնուցը 0,5 թեյի բաժակ շաքարավազի հետ դարձնել գոգլի, ավելացնել 100 գր կարագ, 100 գր թթվասեր, որին պետք է խառնել 0,5 թեյի գդալ սոդա, որից հետո ավելացնել 1 թեյի բաժակ ալյուր, լավ խառնել, որպեսզի ալյուրի գնդիկներ չմնան և թխել ջեռոցում: Նույնից ևս մեկ շերտ թխել:

Ձվի սպիտակուցները շաքարավազի հետ դարձնել բեզե՝ 4 ձվի սպիտակուցը երեսը զարդարելու համար, 4-ը՝ մի շերտի, 4-ը՝ մյուս շերտի համար՝ յուրաքանչյուր 4 ձվի սպիտակուցին 1 թեյի բաժակ շաքարավազ խառնելով:

Թիթեղի վրա յուղաթուղթ դնել, վրան յուղ քսել և 2 բաժին բեզեներն առանձին-առանձին թխել: Իսկ վերջին բաժին բեզեն ճաշի գդալով լցնել իրարից հեռու (ինչպես պեչենիներն են թխվում): Թխված խմորի մի շերտին կրեմ քսել, վրան դնել թխված բեզեի մի շերտը, կրեմ քսել վրան, ծածկել երկրորդ շերտով, վրան կրեմ քսել, ծածկել բեզեի երկրորդ շերտով, երեսին դարձյալ կրեմ քսել և հատերով թխված բեզեներով զարդարել: Վերջում դրանց վրա գլազուր լցնել:

ԿՐԵՄ. 200 գրամ կարագը լավ հարել, քիչ-քիչ ավելացնել 1 բանկա խտացրած կաթ, 1 հատ վանիլին:

Ստացվում է չափազանց համեղ և գեղեցիկ տեսք ունեցող տոնական տորթ: 


Կատեգորիա: Քաղցրավենիք | Ավելացրեց: armenlur (08.03.2013)
Դիտումներ: 2456 | Տեգեր: Պրակտիկ խոհանոց, տորթեր | - Վարկանիշ -: 0.0/0