00:07 Հոմսկին Թուրքիայում քննադատել է լրագրողների բանտարկության փաստը | |
 Հոմսկին Թուրքիայում քննադատել է լրագրողների բանտարկության փաստը Աշխարհահռչակ գիտնական, պրոֆեսոր, խաղաղության եւ մարդու իրավունքների հարցերի հանրահայտ պաշտպան Նոամ Հոմսկին շաբաթ օրը՝ հունվարի 19-ին Ստամբուլում խոսել է «Ակոս» թերթի պատուհանից: Հոմսկին մեկն է, որի խոսքերին հետեւում է ողջ ինտելեկտուալ աշխարհը: Հրանտ Դինքի սպանության վեցերորդ տարվա առթիվ ամերիկացի գիտնականն այցելել է Դինքի հիմնած «Ակոս» թերթ, որտեղ խմբագրատան պատուհանից իր կարճ խոսքում ասել է. «Այս մեծ բազմությունը մեծ ազդեցություն է ունենում իմ վրա: Եթե ուզում եք Հրանտի հիշատակը հարգել, ինչպես խոստացել եք, պետք է պայքարեք իր գաղափարների համար»: Հոմսկիի խոսքերին հաջորդել են Հրանտ Դինքի սպանված վայրում հավաքված բազմահազարանոց ամբոխի ծափահարությունները: Իսկ դրանից մեկ օր առաջ նա Թուրքիայի Բոսֆորի համալսարանում ելույթ ունենալիս Հրանտ Դինքին անվանել է «ազատության քաջամարտիկ-նահատակ»: Հրեա գիտնականը միաժամանակ Թուրքիայի կառավարությանը կոչ է արել լուծել քրդերի հետ ունեցած իր հարցը: «Թուրքիայի վերքերից ամենաարյունալին քրդական հարցն է: Այսօր Թուրքիան պետք է բուժի իր վերքերը՝ որպեսզի գտնի իր տեղը:»,-ասել է աշխարհահռչակ փիլիսոփան՝ կոշտ քննադատության ենթարկելով նաեւ Թուրքիայում լրագրողների բանտարկության փաստը: | |
|
| |