Րաֆֆի Հովհաննիսյանի կոչը - 18 Փետրվարի 2013 - Օրը կգա, բարին՝ հետը
Գլխավոր էջ » 2013 » Փետրվար » 18 » Րաֆֆի Հովհաննիսյանի կոչը
06:41
Րաֆֆի Հովհաննիսյանի կոչը


ՀՀ նախագահի թեկնածու Րաֆֆի Հովհաննիսյանի Facebook-ի էջում տեղադրվել է հայտարարություն, որով ահազանգ է հնչեցվում Երևանի ընտրատեղամասերում լրացուցիչ ցուցակներով հանրապետության այլ բնակավայրերի ընտրողներ ներկայացնելու և միաժամանակ նրանց իրենց բնակավայրերի ընտրացուցակներից չհանելու մասին։ Հայտարարությունը ներկայացնում ենք ստորև.

ԱՀԱԶԱՆԳ ՐԱՖՖԻ ՀՈՎՀԱՆՆԻՍՅԱՆԻ ԲՈԼՈՐ ՎՍՏԱՀՎԱԾ ԱՆՁԱՆՑ, ԿՈՂՄՆԱԿԻՑՆԵՐԻՆ. ԸՆՏՐԱԿԱՆ ՀԱՆՁՆԱԺՈՂՈՎՆԵՐՈՒՄ ԸՆԴԳՐԿՎԱԾ ԲՈԼՈՐ ՕՐԻՆԱՊԱՇՏ ՔԱՂԱՔԱՑԻՆԵՐԻՆ

Մենք տեղեկացած ենք, որ Սերժ Սարգսյանի շտաբներում հասկանալով, որ անգամ ընտրակաշառքներով և այլ ընտրակեղծիքներով հնարավոր չի լինելու ապահովել անգամ երկրորդ փուլ, այսինքն Սերժ Սարգսյանը պարտվելու է Րաֆֆի Հովհաննիսյանին արդեն առաջին փուլում, մի նոր ընտրախախտում են կիրառում, որն է` Երևանի յուրաքանչյուր ընտրատեղամասում լրացուցիչ ցուցակով հարյուրավոր անձանց են ընդգրկում, ովքեր չեն հանվում նաև տպագրված և հանձնաժողովներին տրամադրված` իրենց բնակության վայրում առկա ցուցակներից, այսպիսով, «օրինական» հիմք է նախապատրաստվում կրկնակի քվեարկության համար:

Մեր ունեցած տեղեկություններով անձնագրային բաժինները անգամ չեն հասցրել այդքան ծավալի տեղեկանքներ տալ լրացուցիչ ցուցակներով անձանց` «Հաշվառման վայրի ընտրողների ցուցակից ընտրողի տվյալների ժամանակավորապես հանելու և ըստ գտնվելու վայրի ընտրական տեղամասի ընտրողների լրացուցիչ ցուցակում ընդգրկվելու վերաբերյալ»:

Ամենահետաքրքիրն այն է որ նույն բնակավայրից Երևանի կոնկրետ մեկ ընտրատարածքի ցուցակում հաշվառվել են երբեմն ՀԱՐՅՈՒՐԱՎՈՐ անձիք: Իսկ մեկ այլ բնակավայրից` Երևանի մեկ այլ ընտրատարածքում:

Րաֆֆի Հովհաննիսյանի շտաբը այս պահին միջոցներ է ձեռնարկում` այս զանգվածային կեղծիքը հաստատելու, փաստագրելու և կանխելու ուղղությամբ: Արդյունքների վերաբերյալ մենք կհայտնենք ձեզ հաջորդիվ:

Այս պահին հորդորում ենք ձեզ շտապ և ԲՈԼՈՐ ԽՈՂՈՎԱԿՆԵՐՈՎ տարածել հետևյալ տեղեկատվությունը. բոլոր վստահված անձիք և հանձնաժողովների անդամները պետք է լրացուցիչ ցուցակներով ընտրողների մասով հատկապես ուշադիր լինեն, պահանջեն և ստուգեն նրանց անձնագրերը, որպեսզի դրանց վերջին էջում քառակուսի կնիքի հետքեր չլինեն, պահանջեն նրանցից Ոստիկանության անձնագրային բաժնից տրված և կնքված տեղեկանքը «Հաշվառման վայրի ընտրողների ցուցակից ընտրողի տվյալների ժամանակավորապես հանելու և ըստ գտնվելու վայրի ընտրական տեղամասի ընտրողների լրացուցիչ ցուցակում ընդգրկվելու վերաբերյալ», որում նշված է լինում նաև նրանց ժամանակավոր գրանցման հասցեն:

Եթե անձը չունի նման տեղեկանք` թույլ մի տվեք նրան քվեարկել: Եթե այդպիսի տեղեկանքն առկա է` հարցրեք նրանց, թե որտեղ է գտնվում այդ հասցեն, եթե չգիտի` արձանագրեք:
ԽՆԴՐՈՒՄ ԵՆՔ ՍԱ ՇՏԱՊ ՏԱՐԱԾԵԼ

Կատեգորիա: Լուրեր | Դիտումներ: 394 | Ավելացրեց: armenlur | Տեգեր: Րաֆֆի Հովհաննիսյան, ընտրություններ | - Վարկանիշ -: 0.0/0