Սբ. Անտոն Ճգնավորը կամ Սբ. Անտոն Անապատականը ճգնավորության եւ վանական կյանքի հայրն ու հիմնադիրն է: Երանելի այրը ծնվել է Եգիպտոսի Կոմա գյուղում 251 թվականին, ազնվական ծնողների ընտանիքում: Ծնողների մահից հետո Անտոնը ժառանգում է նրանց հարստությունը: Սակայն մի օր եկեղեցում լսում է ավետարանական այն պատգամը, որտեղ Հիսուս ասում է. «եթե կամենում ես կատարյալ լինել, նախ վաճառիր ինչ-որ ունես ու աղքատներին տուր և երկնքում գանձեր կունենաս»: 

/Մատթ.19: 21/:

Առաջնորդվելով այս պատվիրանով, Անտոնը վաճառում է իր ողջ ունեցվածքը և ապրում աղոթքի, պահեցողության ու բարեգործության ոգով: Որոշ ժամանակ անց, նա հեռանում է իր հայրենի գյուղից և բնակություն հաստատում մոտակա քարայրում, որտեղ, ըստ վարքագիրների՝ հոգևոր պատերազմներ է մղում վայրի գազանների կերպարանքով իրեն մշտապես հայտնվող դևերի հետ: Համբերությամբ դիմակայելով բոլոր փորձություններին` սուրբը հեռանում է անմարդաբնակ մի անապատ և 20 տարի շարունակ ապրում մենության մեջ:

Լսելով նրա սրբակեցության մասին, շատերը թողնում են իրենց տներն ու հեռանում անապատ ճգնելու: Անսալով իր հոգևոր եղբայրների թախանձանքներին` սուրբը ելնում է իր ճգնարանից ու հավաքվածներին բացատրում վանական կանոնները, որոնք և հետագայում դառնում են վանական կյանքի ուղեցույց: Սուրբը կնքում է իր մահկանացուն 105 տարեկանում` արժանանալով երկնային անթառամ պսակին, իր աներեր հավատով ու հոգևոր մեծ զորությամբ դառնալով օրինակ բոլոր ժամանակների քրիստոնյաների համար: Հայաստանյայց Առաքելական եկեղեցին առանձնահատուկ կարևորում է ճգնավորներներին և տոներ ունի նրանց հիշատակին:

• Երեխաների ստեղծածների օրը (ԱՄՆ)
• Սուրբ Անտոնիոյի օրը (Իտալիա)
• Հարավի տարեդարձը (Նոր Զելանդիա)
• Սահմանադրության օրը (Ֆիլիպիններ)

Ծնունդներ

 1964 - Միշել Օբամա, ԱՄՆ առաջին տիկինը

 1962 - Ջիկ Քերրի, ամեր. կինոսատղ, կատակերգու
 1942 - Մոհամեդ Ալի (Կասիուս Կլեյ), ամեր. բռնցքամարտիկ
 1938 - Ռուդոլֆ Ժամհարյան, հայ վավերագրող
 1933 - Դալիդա (Իոլանդե Ջիլոտտի) իտալական ծագմամբ ֆրանս. երգչուհի 

 1899 -  Ալֆոնս Գաբրիել Կապոնե, հանրահայտ ամերիկյան մաֆիոզ
 1928 - Վիդալ Սասուն, անգլ. վարսահարդար
 1863 - Կոնստանտին Ստանիսլավսկի, թատրոնի տեսաբան
 1706 - Բենջամին Ֆրանկլին, ԱՄՆ հիմնադիր հայրերից

1773 - Բրիտանական Resolution նավը Ջեյմս Կուկի հրամանատարությամբ դարձավ առաջին նավը, որը կտրեց անցավ Հարավային բևեռը։

1912 - Բրիտանացի ճանապարհորդ Ռոբերտ Սքոթը նորվեգացի հետազոտող Ռաուլ Ամուդենսենի արշավախմբից ընդամենը մեկ ամիս անց հասավ հարավային բևեռ։ 

1919 - Լեհ դաշնակահար և երգահան Իգանցի Յան Պադերևսկին դարձավ Լեհաստանի վարչապետ։

1920 - Խորհրդային Ռուսաստանում պաշտոնապես վերացվեց մահապատիժը։

1921 - Հայաստանի կառավարությունը բողոք ներկայացրեց թուրքական զորքերի կողմից գրավված շրջաններում կատա րված հրեշավոր չարագործությունների կապակցությամբ:

1930 - Երևանում բացվեց գրողների տունը։

1939 - Սկսվեց համամիութենական մարդահամարը, որի տվ յալներով Հայաստանի բնակչությունը կազմեց 1.282.000 մարդ, որից 1.062.000 եղել է հայ, 130.900՝ ադրբեջանցի, 51.400՝ ռուս,20.500՝ քուրդ և այլն: Երևանի բնակչության թիվը կազմեց 200.031 մարդ:

1959 - Սենագալն ու Ֆրանսիական Սուդանը համաձայնագիր ստորագրեցին Մալիի հանրապետություն ստեղծելու մասին։

1970 - СУ-24 կործանիչի առաջին թռիչքը։

1991 - Պարսկական ծոցում տեղակայված միջազգային ուժերը սկսեցին «Փոթորիկ անապատում» օպերացիան։

1995 - Տեղի ունեցած ուժգին երկրաշարժից ավելի քան 6400 մարդ զոհվեց ճապոնական Կոբե քաղաքում։

2001 - Հոլոքոստն ապրած հրեաներին հաջողվեց Ավստրիայի իշխանություններից փոխհատուցում ստանալ այն գույքի դիմաց, որը նացիստների իշխանավորման ժամանակաշրջանում բռնագրավվել էր։ 

2004 - Վրաստանի նախագահ Միխիել Սահակաշվիլին Ռուսաստանի Դաշնությանը զրկեց իր երկրի ներքին գործերին միջամտելուց՝ Ռուսաստանն այլևս չի կարող մեզ վերաբերվել որպես նախկին գաղութի։