23 մարտ 2013 թվական, շաբաթ

Ըստ հայկական տոմարի՝ 4506 թվական, ամիսը՝ ԱՐԵԳ, օրը՝ Ծմակ, շաբաթը՝ Երևակի օր։ 

---

Տարվա 82-րդ օրը, 

12-րդ շաբաթ,  

Տարեվերջին մնում է 283 օր

3-րդ արևային օր

Արևածագ՝ 5։31, արևամուտ՝ 17։52, 

Օրվա տևողությունը՝ 12 ժամ 21 րոպե

13-րդ լուսնային օր` 13։39-03։17, 

Լուսինը՝ Առյուծում է,

II քառորդ՝ 20-26 մարտ

---

Հայ Առաքելական եկեղեցու տոներ

• Ղազարոսի հարության հիշատակության օր

Մեծ Պահքի 41-րդ օրը, Հայաստանյայց Առաքելական եկեղեցում Ղազարոսի հարության հիշատակի օրն է: Ղազարոսի հարության մասին պատմվում է Սբ. Հովհաննեսի Ավետարանում (Տես Հովհ. 11:1-46): Ղազարոսը Հիսուս Քրիստոսին սիրելի մի ընտանիքից էր: Նա Մարիամի և Մարթայի եղբայրն էր, որ մահացավ հիվանդության պատճառով: Քրիստոս նրան հարություն է տալիս՝ ապացուցելով, որ Ինքն է կյանքը և հարությունը: Ղազարոսի հարության մասին պատմող դրվագը գեղեցիկ վերնագիր ունի` «Եվ Հիսուս արտասվեց...»: Հրեաները, տեսնելով Հիսուսի արտասվելը, ասում են. «Տեսեք, թե ինչքան էր սիրում նրան»: Քրիստոսի արտասվելը՝ բոլորի հանդեպ Նրա հետագայում անսահման սիրո վկայությունն է, իսկ Ղազարոսի հարությունը խորհրդանշում է նաև ննջեցյալների համընդհանուր հարությունը:

Տոներ, հիշարժան օրեր

• Երկրի ժամը (Earth Hour)
• Օդերևութաբանության համաշխարհային օրը
• Հիշատակի օրը (Բոլիվիա)
• Պակիստանի Հանրապետության օրը (1956)
• Աֆրիկայի օրը (Զամբիա)

Պատմության այս օրը

1966 - Ստեղծվեց Հայաստանի ռադիոյի և հեռուստատեսության սիմֆոնիկ նվագախումբը՝  Օհան Դուրյանի ղեկավարությամբ:
1937 - Վերացվեց Անդրկովկասյան ֆեդերացիան:
1923 - Վախճանվեց հայ մեծ գրող, բանաստեղծ Հովհաննես Թումանյանը։
1920 - Շուշիի և մերձակա հայկական բնակավայրերի հրկիզումը մուսաֆաթականների կողմից։ Շուշիի հայ բնակչության եղեռնը։
1919 - Բ. Մուսսոլինիի կողմից ֆաշիստական «Պայքարի միություն»կուսակցության հիմնումը:
1841- Լոնդոնում Ռիչարդ Բիերդը բացեց Եվրոպայի առաջին լուսանկարչատունը։
1839 - Բոստոնյան Morning Post պարբերականում առաջինանգամ հայտնվեց OK արտահայտությունը, որպես «oll korrect»արտահայտության հումորային և կարճ տարբերակ: Մեկ այլ տվյալներով` այս արտահայտությունն առաջին անգամ օգտագործվել է 1840թ. կրկին մարտի 23-ին The New Era-ում տպագրված հոդվածում: